Aðalfundurin hjá Føroyska Felagnum á Lollandi og Falster varð hildin tann 28. februar 2026. Áðrenn fundurin byrjaði, sungu limirnir felagslagið “Vár við líggjum vindi”, sum skapti eina hugnaliga og hátíðarliga løtu at byrja við. Erhard varð síðani valdur til orðstýrara og leiddi fundin á tryggum og greiðum hátt.
Formaðurin greiddi frá virkseminum í felagnum gjøgnum árið. Serliga varð nevndur siglingartúrurin til Mønsklint, har 12 limir luttóku og høvdu ein sera góðan og hugnaligan dag saman. Eisini varð tosað um jólaborðhaldið, sum aftur í ár gjørdist eitt av hæddarpunktunum í felagsárinum, men tað var dýrt, og hetta varð nevnt sum nakað at hugsa nærri um framyvir. Umleið 22 limir vóru tilmeldaðir, og Stanley Samuelsen stóð fyri undirhaldinum. Frágreiðingin varð samtykt uttan viðmerkingar.
Jórun legði fram roknskapin fyri árið 2026 og greiddi frá fíggjarligu støðuni hjá felagnum. Roknskapurin varð einmæltur góðkendur.
Undir Annað varð tosað um møgulig tiltøk komandi árið. Nevnt varð at skipa fyri:
Limirnir vístu stóran áhuga fyri hesum hugskotum, og nevndin lovaði at arbeiða víðari við teimum og kanna møguleikarnar nærri. Eisini varð avgjørt, at tá meldað verður til veitslu, skal gjaldast samstundis/beinavegin, fyri at gera skráseting og fyrireikingar lættari og greiðari.
Val av nevnd og starvsfólki fór fram soleiðis:
Nevndarlimir: Ruth og Villi afturvaldir.
Tiltakslimir: Magna og Petrina.
Grannskoðarar: Ása og Magna.
Tiltakslimur til grannskoðan: Ingibjørg.
Avgjørt varð at hækka limagjaldið til 200 kr. fyri árið.
Fundurin endaði í góðum lag, og formaðurin takkaði fyri góða uppmøting og virknan felagsanda. Felagið gleðir seg til eitt nýtt og spennandi ár við góðum tiltøkum, felagsskap og hugnaligum løtum saman.