§ 1. Navn

Navn felagsins er Føroyskt felag á Lollandi og Falster. Stovnað í Nakskov 19. november 1971.

§ 2. Limir

Øll, sum hava áhuga fyri Føroyum og føroyskum viðurskiftum, kunnu gerast limir í felagnum.

§ 3. Endamál

Aðalmál felagsins er at savna limirnar og onnur áhugað til føroyskt tiltøk. Tað er felagsins skylda at kunna um Føroyar og føroyskt viðurskifti.

§ 4. Aðalfundur

Aðalfundur verður hildin eina ferð um árið í fyrsta kvartali. Fyri at hava atkvøðurætt á aðalfundinum skal limagjaldið vera goldið.

Aðalfundurin verður lýstur í minsta lagi 14 dagar frammanundan við hesi skrá:

1. Frágreiðing frá farna ári.
2. Grannskoðaður roknskapur framlagdur.
3. Val av nevnd og 2 tiltakslimum.
4. Val av 2 grannskoðarum og 1 tiltakslimi.
5. Ásetan av limagjaldi.
6. Annað.

§ 5. Nevnd

Nevndin skipar seg við formanni, næstformanni, kassameistara og skrivara. Nevndarlimirnir verða valdir fyri 2 ár. Maka ár verða 2 limir valdir inn, og støk ár verða 3 limir valdir inn.

§ 6. Roknskaparár

Roknskaparárið er frá 1. januar til 31. desember.

§ 7. Umboð

Formaður og kassameistari mynda felagið – hvør sær ella í felag.

§ 8. Eykaaðalfundur

Kallað verður saman til eykaaðalfundar, tá nevndin heldur hetta vera neyðugt, ella um 10 limir felagsins skrivliga krevja tað. Eykaaðalfundurin verður lýstur á sama hátt sum aðalfundurin.

§ 9. Skrá yvir fundir og tiltøk

Nevndin skal longu í desember mánaði senda eina skrá yvir fundir og tiltøk í komandi ári út til allar limirnar.

§ 10. Avtøka av felagnum

Felagið kann avtakast, um 2/3 av limunum atkvøða fyri tí á aðalfundi ella eykaaðalfundi. Verður felagið avtikið, fella ognir tess til Føroyahúsið í Keypmannahavn.